Nú hefur skrifstofa skólans verið opnuð eftir sumarleyfi. Hægt er að ná sambandi við okkur í síma 530-4300, kl. 8:00 – 15:00, mánudag til föstudags. Netfang skólans er hateigsskoli@rvkskolar.is.

Nemendur 7. bekkjar unnu í myndmennt í vetur punktamyndir í anda eldri listmálara eins og Georges Seurat, en þá er litum ekki blandað saman, heldur notaðir mislitir punktar sem augað greinir síðan sem einn lit. Hér er gullfalleg mynd, en fleiri eru hér í myndasafni.

Fyrsta föstudag í hverjum mánuði var miðstiginu blandað innan árganga og boðið upp á ýmis óhefðbundin verkefni. Þessar myndir voru teknar einn föstudaginn.

Nemendur 7. bekkjar eiga stórt hrós skilið fyrir frábæra Ævintýrabók sem þeir fluttu í dag, bæði fyrir skólafélaga og aðstandendur. Jóna Guðrún Jónsdóttir, leiklistarkennari, stýrði hópnum.

Í gær voru nemendaverðlaun Skóla- og frístundaráðs Reykjavíkur afhent við hátíðlega viðhöfn í Háteigsskóla. Karin Guttesen, nemandi í 9. bekk, var tilnefnd fyrir hönd Háteigsskóla. Karin er atkvæðamikil í daglegu starfi skólans, hvort heldur sem er í námi eða í félagsstarfi nemenda. Hún tekst á við öll verkefni af áhuga, jákvæðni og af staðfestu um…

Við viljum þakka foreldrafélagi skólans sérstaklega fyrir vel heppnaða vorhátíð sem haldin var í skólanum í síðustu viku. Hátíðin var fjölbreytt og vel sótt og tókst vel í alla staði. Okkur reiknast til að þetta hafi verið 25. vorhátíð foreldrafélagsins.

Nemendur unglingastigs voru með góðgerðardag um daginn þar sem þeir seldu notuð föt, bækur, nýbakað kaffibrauð og ýmislegt fleira.  Afraksturinn, sem voru rúmlega 150 þúsund krónur, var afhentur í dag. Á myndinni eru Anna María, kennari, Brynhildur Jensdóttir, forstöðumaður Konukots, og Sigurður Orri Egilsson, sem afhenti gjöfina fyrir hönd nemenda. Einnig fékk Konukot fatnað og…

Góðan dag, ágætu foreldrar og forráðamenn barna í Háteigsskóla!   Áætlað er að hefja vinnu við lagfæringu hluta skólalóðarinnar nú í lok vikunnar. Byrjað verður á að girða af svæðið næst íþróttahúsinu, í kringum rólur og kastala, svo öruggt sé að nemendur og þeir sem fara um lóðina komist ekki inn á vinnusvæðið. Mikilvægt er…